வட மாகாண சபை உறுப்பினர்களுக்கு காப்புறுதித் திட்டம்

-எஸ்நிதர்ஸன்

வடமாகாண சபை உறுப்பினர்களுக்கு, காப்புறுதித் திட்டமொன்று அறிமுகப்படுத்தப்படவுள்ளதாக வடமாகாண சபையின் அவைத்தலைவர் சி.வி.கே.சிவஞானம் தெரிவித்துள்ளார்.

வடமாகாணசபையின் அமர்வு இன்று, இடம்பெற்ற போது அவையில் இவ்வாறு குறிப்பிட்டார்.

“நாட்டின் ஏனைய மாகாண சபைகளில், இத்திட்டம் நடைமுறையில் உள்ளது. ஆனால், இதுவரை வடமாகாண சபையில் இத்திட்டம் நடைமுறையில் இல்லை. எனவே, இதனை நடைமுறைப்படுத்த தீர்மானித்துள்ளோம். இதற்கமைய, ஆயுள் காப்பீடு மற்றும் மருத்துவ காப்பீடு என்பன வழங்கப்படவுள்ளன. வடமாகாண சபையின் நிதியில் இவை வழங்கப்படும்” என, அவர்  கூறினார்.