விபத்தில் அறுவர் காயம்

எஸ்.என்.நிபோஜன்

கொழும்பிலிருந்து யாழ்ப்பாணம் நோக்கிச் சென்ற தனியார் சொகுசு பஸ், இன்று அதிகாலை 3.20 மணியளவில், கிளிநொச்சி வலயக்கல்வி அலுவலகத்துக்கு முன்பாக விபத்துக்குள்ளானதில் சாரதி உட்பட அறுவர் காயமடைந்த நிலையில் வைத்தியசாயைில் அனுமதிக்கப்பட்டதாக, கிளிநொச்சி பொலிஸார் தெரிவித்தனர்.

மேற்படி பஸ்ஸானது,  கிளிநொச்சி வலயக்கல்வி அலுவலகத்துக்கு முன்பாகவுள்ள கடைத்தொகுதி மற்றும் மின்சார மின்சாரக் கம்பத்தை உடைத்துக்கொண்டு வலயக்கல்வி அலுவலகத்தின் திட்டமிடல் அறையுக்குள் நுழைந்துள்ளதாக, பொலிஸார் தெரிவித்தனர்.

விபத்தால், மின்கம்பங்கள் சேதமடைந்துள்ளமையால்  இப்பகுதியில் மின்சாரம் தடைப்பட்டுள்ளது என தெரியவருகிறது.

விபத்து தொடர்பில் பொலிஸார் மேலதிக விசாரணைகளை மேற்கொண்டு வருகின்றனர்.