விபத்து; தாயும் பிள்ளையும் காயம்

-எஸ்.நிதர்ஷன்

யாழ்ப்பாணம் - நல்லூர் வீதியில், இன்று (01) மாலை இடம்பெற்ற விபத்தில், தாயும் பிள்ளையும் காயங்களுக்குள்ளான நிலையில், யாழ்.போதனா வைத்தியசாலையில் அனுமதிக்கப்பட்டுள்ளனர்.

கிட்டுப் பூங்கவில் இருந்து கச்சேரி நோக்கி வந்த வங்கி முகாமையாளர் ஒருவரின் கார், நாவலர் வீதியும் கச்சேரி நல்லூர் வீதியும் இணையும் சந்தியால் வீதியை கடக்க முற்பட்ட போது, மோட்டார் சைக்கிளொன்றுடன் மோதியுள்ளது.

இதன் போது மோட்டார் சைக்கிலில் வந்த தாயும் பிள்ளையும் தூக்கி வீசப்பட்டுள்ளனர்.

மோதிய கார், வீதியோரமாக உள்ள தொலைத்தொடர்பு கம்பத்துடன் மோதுண்டுள்ளது.