விசேட அமர்வு ஒத்திவைப்பு

எம்.றொசாந்த்

வட மாகாணத்தில் தற்போது நிலவும் நீர்ப் பிரச்சினை தொடர்பில் நாளை புதன்கிழமை (22) இடம்பெறவிருந்த விசேட அமர்வு, எதிர்வரும் மார்ச் மாதம் 07ஆம் திகதிக்கு பிற்போடப்பட்டுள்ளது.

இன்று (21) இடம்பெற்ற வடமாகாண சபை அமர்வின்போது, அவைத்தலைவர் சி.வி.கே.சிவஞானம் இதனை அறிவித்தார்.

வடமாகாண விவசாய அமைச்சர் பொ.ஐங்கரநேசன் தற்போது வெளிநாட்டுக்குச் சென்றுள்ளதாலும், வடமாகாண முதலமைச்சர் சி.வி.விக்னேஸ்வரன் தற்போது சுகயீனமுற்றுள்ளதாலும் விசேட அமர்வு ஒத்திவைக்கப்பட்டுள்ளதாக, அவைத்தலைவர் அறிவித்தார்.