விபத்தில் ஒருவர் படுகாயம்

-நா.நவரத்தினராசா

மல்லாகம் - புன்னாலைக்கட்டுவன் வீதியில் நேற்று திங்கட்கிழமை (02) முச்சக்கரவண்டியொன்றும் கன்ரர் ரக வாகனமும் நேருக்கு நேர் மோதியதில் முச்சக்கரவண்டி சாரதி படுகாயமடைந்த நிலையில் யாழ்ப்பாணம் போதனா வைத்தியசாலையில் அனுமதிக்கப்பட்டுள்ளதாக சுன்னாகம் பொலிஸார் தெரிவித்தனர்.

குப்பிளான் தெற்கைச் சேர்ந்த கந்தசாமி ரங்கசாமி (வயது 32) என்பவரே படுகாயமடைந்துள்ளார். 

இந்த விபத்துத் தொடர்பில் விசாரணைகளை மேற்கொண்டு, கன்ரர் வாகன சாரதியைக் கைது செய்துள்ளதாக பொலிஸார் தெரிவித்தனர்.