21 இந்திய மீனவர்களின் மறியல் நீடிப்பு

-செல்வநாயகம் கபிலன்

எல்லைதாண்டி மீன்பிடித்த குற்றச்சாட்டின் பேரில், வெவ்வேறு தினங்களில் கைதான இந்திய மீனவர்கள் 21பேரை, எதிர்வரும் மார்ச் மாதம் 2ஆம் திகதி வரை விளக்கமறியலில் வைக்குமாறு,  ஊர்காவற்துறை நீதிவான் ஏ.எம்.எம்.றியால், நேற்று உத்தரவிட்டார்.

இம்மாதம் 2ஆம் திகதி கைதான 5 இந்திய மீனவர்கள் மற்றும் கடந்த மாதம் வெவ்வேறு தினங்களில் கைதான 16 இந்திய மீனவர்களதுமே, விளக்கமறியல் நீடிக்கப்பட்டுள்ளது.

இவர்களில் உள்ளடங்கியிருந்த 15 வயது சிறுவனை, அச்சுவேலியில் அமைந்துள்ள சான்றுபெற்ற பாடசாலையில் தொடர்ந்தும் தங்க வைக்குமாறும், நீதவான் பணிப்புரை விடுத்தார்.