சுள்ளி விறகு பொறுக்கியவருக்கு கருணை

-செல்வநாயகம் கபிலன்

காட்டுக்குள் அத்துமீறி நுழைந்து சுள்ளி விறகுகளை பொறுக்கிய நபருக்கு  பருத்தித்துறை நீதவான் நீதிமன்ற பதில் நீதவான் உருத்திரேஸ்வரன் விஜயராணி திங்கட்கிழமை (14) 10 ஆயிரம் ரூபாய் அபராதம் விதித்துள்ளார்.

எனினும் அவரது பொருளாதார நிலைமை தொடர்பில் கவனத்திற்கொண்ட நீதிமன்ற சமூதாய சீர்திருத்த அதிகாரி, அதனை நீதிமன்றத்தின் கவனத்துக்கு கொண்டு வந்ததையடுத்து, வழக்கு மீண்டும் விசாரணைக்கு எடுத்துக்கொள்ளப்பட்டு, 3 மாதகால சமுதாய சீர் திருத்தப்பணிக்குட்படுத்துமாறு பதில் நீதவான் உத்தரவிட்டார்.

வனவள பாதுகாப்புத் திணைக்களத்துக்குச் சொந்தமான காட்டுக்குள் அத்துமீறி நுழைந்து சுள்ளி விறகுகளை பொறுக்கிய  குற்றச்சாட்டில் துன்னாலை பகுதியைச் சேர்ந்த நபர் பருத்தித்துறை பொலிஸாரால் கைது செய்யப்பட்டிருந்தமை குறிப்பிடத்தக்கது.