யாழ். முஸ்லிம் பிரதேச அபிவிருத்திக்கென ரூ. 4 கோடி ஒதுக்கீடு

(கவிசுகி)

யாழ். முஸ்லிம் பிரதேசங்களின் அபிவிருத்திக்கென  ஜனாதிபதி மஹிந்த ராஜபக்ஷவால்  4 கோடி ரூபாய் ஒதுக்கப்பட்டுள்ளதாக யாழ். மாநகரசபை உறுப்பினர் மௌலவி சுபியான் தெரிவித்துள்ளார்.

மேற்படி 4 கோடி  ரூபாவிலிருந்து யாழ். நகரத்திலுள்ள பள்ளிவாசல்கள், யுத்தத்தால் பாதிக்கப்பட்ட முஸ்லிம் மக்களின் வீடுகள், யாழ்ப்பாணத்தில்லுள்ள ஒரேயொரு முஸ்லிம் பாடசாலையான ஒஸ்மானியாக் கல்லூரி ஆகியன புனரமைக்கப்படவுள்ளன.

இதன் மூலம் யாழ். முஸ்லிம்களின் அபிவிருத்திகள் மேன்மையடையுமெனவும் அவர் கூறினார்.