வாகன விபத்தில் 5 பிள்ளைகளின் தந்தை பலி

(கவிசுகி)

யாழ். நாவற்குழி நான்காம் மைல்கல் பகுதியில் இடம்பெற்ற வாகன விபத்தில் ஐந்து பிள்ளைகளின் தந்தையான ஒருவர் பலியாகியுள்ளார்.

நேற்று ஞாயிற்றுக்கிழமை ஏ - 9 பாதையில் சென்ற பஸ்  குறித்த நபர் பயணம் செய்த சைக்கிளுடன்  மோதியதாலேயே இந்த விபத்து ஏற்பட்டுள்ளது.  

யாழ். தச்சன்தோப்பு வெளியைச் சேர்ந்த அ.வேதநாயகம் (வயது 50) என்பவரே இவ்விபத்தில் பலியானவர் ஆவர்.

இவரது சடலம் யாழ். போதனா வைத்தியசாலையில் ஒப்படைக்கப்பட்டுள்ளது.

இவ்விபத்து சம்பவம் தொடர்பில் பொலிஸார் விசாரணைகளை மேற்கொண்டு வருகின்றனர்.