தெல்லிப்பளையில் ஆழிப்பேரலையில் இறந்தோரை நினைவுகூரும் நிகழ்வு

(கவிசுகி)

ஆழிப்பேரலையால் உயிரிழந்தவர்களை நினைவுகூரும் நிகழ்வொன்று எதிர்வரும் 26ஆம் திகதி காலை தெல்லிப்பளை துர்க்காபுரம் ஆனந்தன் சிற்பாலய வளாகத்தில் நடைபெறவுள்ளது.

2004ஆம் ஆண்டு சிற்பக்கலைஞர் கலாபூசணம் ஏ.வி.ஆனந்தன் ஆழிப்பேரலை அனர்த்தத்தை ஆறடி மரத்தில் வடித்த சிற்பம் இருக்கும் இடத்தில் இறந்தவர்களின் ஆத்ம சாந்திக்கான நிகழ்வுகள் நடைபெறும்.

இவ்விடத்தில் கிறிஸ்தவ மதகுருமார்கள், கன்னியாஸ்திரிகள் இறந்தோரின் உறவினர்கள் ஆயிரம் மெழுகுதிரிகளை ஏற்றி இறந்தோருக்கு அஞ்சலி செலுத்தும் வழிபாடுகளில் ஈடுபடவுள்ளனர்.