தூக்கில் தொங்கிய நிலையல் சடலம் மீட்பு

(தாஸ், கவிசுகி)

யாழ்ப்பாணம் ஈச்சமோட்டைப் பகுதியில்  குடும்பஸ்தர் ஒருவர் தூக்கில் தொங்கிய நிலையில் இன்று யாழ். பொலிஸாரால் மீட்கப்பட்டுள்ளார்.

மணியந்தோட்டத்தை சொந்த இடமாகக் கொண்ட 42 வயதான ராசையா சந்திரசிறி என இவர் அடையாளம் காணப்பட்டுள்ளார்.

ஈச்சந்தோட்டத்தில் பாழடைந்த வீட்டில் துர்நாற்றம் வீசுவதாக பொலிசாருக்குத் தெரிவிக்கப்பட்டதைத் தொடர்ந்து சம்பவ இடத்திற்கு விஜயம் மேற்கொண்ட யாழ்ப்பாணப் பொலிஸார் , சடலத்தை யாழ் போதனா வைத்தியசாலையில் ஒப்படைத்துள்ளனர்.

எனினும் இவரது மரணம் தொடர்பில் சந்தேகம் வெளியிடப்பட்டுள்ளது.  

மரணம் தொடர்பாக  யாழ். பொலிஸார் விசாரணைகளை மேற்கொண்டுள்ளனர்.