காணாமல்போன வயோதிபரின் நடலம் மீட்பு

(தாஸ்)

நேற்று காலை மாடுகளை மேய்ப்பதற்குச் சென்ற வயோதிபரை காணவில்லை என்று தேடியபொழுது இன்று மாலை அவர் சடலமாக வயற்கரையில் மீட்கப்பட்டுள்ளார்.

அச்சுவேலி தெற்கு சிவசக்தி கோயிலடியைச் சேர்ந்த ராசையா சிவகுமார் (65) என்ற வயோதிபரே இன்று சடலமாக மீட்கப்பட்டுள்ளார்.

திருமணமாகாத மேற்படி வயோதிபர் தன்னுடைய சகோதரியின் வீட்டில் வசித்துவந்துள்ளார். மாடுகளை வைத்து ஜீவனோபாயம் நடத்திவந்த இந்த வயோதிபரே நேற்றையதினம் உயிரிழந்துள்ளார்.

இவ் மரணம் தொடர்பான மேலதிக விசாரணைகளை அச்சுவேலி பொலிஸார் மேற்கொண்டு வருகின்றனர்.