வட மாகாணத்தில் மீளக் குடியேறுபவர்களுக்கு தன்னார்வ நிறுவனம் உதவி

(கவிசுகி)

வட மாகாணத்தில் மீளக் குடியேறுபவர்களுக்காக 55 லட்சம் அமெரிக்க டொலர் பெறுமதியான அவசர உணவு வகைகளை வழங்க யு.எஸ்.எயிட் தன்னார்வ நிறுவனம் முன்வந்துள்ளது.

இந்நிறுவனம் சுமார் 6 ஆயிரத்து 740 மெற்றிக் தொன் கோதுமை மா மற்றும் தாவர எண்ணெய் உட்பட பல பொருட்களை வழங்கவுள்ளது.

இதன் மூலம் 3 லட்சம் பேர் வரையில் பயனடைவர் என எதிர்பார்க்கப்படுகிறது.

இந்த பொருட்கள் மீள குடியமர்ந்தவர்களுக்கான உலர் உணவுப் பொருட்களாக ஆறு மாத காலப்பகுதிக்கு வழங்க முடியும் என யு.எஸ்.எயிட் அமைப்பின் பிரதிநிதி எட்னன் கான் தெரிவித்துள்ளார்.