வலிகாமம் ஆசிரியர்களுக்கு இடமாற்றம்

(கிரிசன்)

வலிகாமம் கல்வி வலயத்தில் கடமையாற்றிய 94 ஆசிரியர்கள் வெளி மாவட்டங்களுக்கு இடமாற்றம் செய்யப்பட்டுள்ளனர். வட மாகாண கல்வி அமைச்சின் சுற்று நிரூபத்திற்க்கு அமைவாக வட மாகாண மாவட்டங்களுக்கு இடையேயான ஆசிரியர்களின் இடமாற்றங்கள் மேற்கொள்ளப்பட்டு வருவதாக தெரிவிக்கப்படுகின்றது.

இந்த இடமாற்றத்திற்கு அமைவாக வலிகாமம் கல்வி வலயத்திற்க்கு உட்பட்ட பாடசாலைகளில் இருந்து 31 ஆசிரியர்கள் ஏனைய மாவட்டங்களுக்க இடமாற்றம் பெற்றுள்ள போதிலும் 43 ஆசிரியர்கள் வெளி மாவட்டங்களில் இருந்து இடமாற்றம் பெற்று வலிகாமம் கல்வி வலயத்தில் தமது கடமைகளை பொறுப்பேற்றுள்ளார்கள்.

இந்நிலையில் 45 வயதிற்கு உட்பட்ட வெளி மாவட்டங்களில் தமது சேவைகளை மேற்கொள்ளாத ஆசிரியர்களில் மேலும் 63 பேர் வலிகாமம் கல்வி வலயத்தில் இருந்து வெளி மாவட்டங்குளுக்கு இரண்டாம் கட்டமாக இடமாற்றம் பெறவள்ளார்கள்.

இதேவேளை யாழ் மாவட்ட கல்வி வலயங்களுக்கு இடையேயான இடமாற்றம் இடம்பெற்றுள்ளதுடன் வலயங்களுக்கு உட்பட்ட கோட்டங்கள் மற்றும் பாடசாலைகளுக்கு இடையேயான இடமாற்றமும் வலிகாமம் கல்வி வலயத்தில் இடம்பெற்றுள்ளமை குறிப்பிடத்தக்கது.