ஆள் நடமாட்டமற்ற பகுதியிலிருந்து ஆணின் சடலம் மீட்பு

(கவிசுகி)

யாழ். கொக்குவில் தலையாளி கிழக்குப் பகுதியில் ஆள் நடமாட்டமற்ற பகுதியிலிருந்து நேற்று செவ்வாய்க்கிழமை மாலை ஆண் ஒருவரின் சடலம் மீட்கப்பட்டுள்ளது

கொக்குவில் பகுதியைச்; சேர்ந்த பா.சிவசங்கர் (வயது 36) என்பவரது சடலமென உறவினர்களினால் அடையாளம் காணப்பட்டுள்ளது.

இவர் கடந்த சனிக்கிழமை முதல் காணாமல் போயிருந்தாரெனத் தெரிவிக்கப்படுகிறது. யாழ். பொலிஸார் முன்னிலையில் மீட்கப்பட்ட இச்சடலம் யாழ். போதனா வைத்தியசாலை பிரேத அறையில் வைக்கப்பட்டுள்ளது.

இன்றையதினம்  மருத்துவப் பரிசோதனை இடம்பெறவுள்ளதாக யாழ். போதனா வைத்தியசாலை வட்டாரங்கள் தெரிவித்துள்ளன.