வடமராட்சி மீனவர்களுக்கு மீண்டும் பாஸ் நடைமுறை

(கவிசுகி)

யாழ். வடமராட்சி வடக்கு மற்றும் கிழக்கு கடற்பரப்பில் கடற்றொழிலுக்குச் செல்லும் மீனவர்கள் இன்று திங்கட்கிழமை முதல் இராணுவப் பதிவை மேற்கொண்ட பின்னரே கடற்றொழிலில் ஈடுபட முடியுமென படையினர் அறிவித்துள்ளனர்.

கடற்றொழிலுக்கு செல்லும் மீனவர்கள் படை முகாம்களில் தங்களைப் பதிவு செய்து கடலுக்குள் இறங்கும் நடைமுறை யாழ். குடாநாடு பூராகவும் முன்னர் இருந்தபோதிலும், யுத்தம் நிறைவடைந்த பின்னர் இந்த நடைமுறை தளர்த்தப்பட்டிருந்தது.

இந்நிலையில், மீண்டும் இந்நடைமுறையை கடைப்பிடிக்குமாறு வடமராட்சி வடக்கு, கிழக்கு கடற்பரப்பில் மீன்பிடியில் ஈடுபடும் மீனவர்களுக்கு படைத் தரப்பினரால் இந்த அறிவுறுத்தல் வழங்கப்பட்டுள்ளதாக வடமராட்சி கடற்றொழிலாளர்கள் தெரிவித்தனர்.