விளையாட்டு விழாவில் ஏற்றப்பட்ட சிவப்பு மஞ்சள் கொடியை அகற்றுமாறு இராணுவத்தினர் உத்தரவு

(கவிசுகி)

வல்வெட்டித்துறையில் இன்று ஞாயிற்றுக்கிழமை நடைபெற்ற விளையாட்டுப் போட்டியொன்றின்போது ஏற்றப்பட்ட கொடியொன்றை அகற்றுமாறு இராணுவத்தினர் பணித்ததால் விளையாட்டுப் போட்டி கைவிடப்பட்டது.

நேதாஜி விளையாட்டுக் கழகத்தினால் ஏற்பாடுசெய்யப்பட்ட இப்போட்டிகளின்போது ஏற்றப்பட்ட கொடி சிவப்பு மஞ்சள் நிறம் கொண்டதாக இருந்ததால் அது புலி ஆதரவு கொடி எனக்கூறி அதனை அகற்றுமாறு இராணுவத்தினர் உத்தரவிட்டதாக கழக வட்டாரங்கள் தெரிவித்தன. அதையடுத்து இப்போட்டிகள் கைவிடபட்டதாகவும் அவ்வட்டாரங்கள் கூறின.