புத்தளத்தில் வீட்டுத்திட்டம் பெற்ற முஸ்லிம்களுக்கு யாழில் வீடுகள் இல்லை: அரச அதிபர்

(கவிசுகி)

யாழ்ப்பாணத்திலிருந்து இடம்பெயர்ந்த நிலையில் புத்தளத்தில் தங்கியிருந்த முஸ்லிம்கள் அங்கு அரசாங்கத்தின் அல்லது அரசசார்பற்ற நிறுவனங்களின் வீட்டுத்திட்ட உதவிகளைப் பெற்றிருந்தால் அவர்களுக்கு மீண்டும் யாழ்ப்பாணத்தில் வீட்டுத்திட்ட உதவிகள் வழங்கப்படமாட்டாதென யாழ். மாவட்ட அரசாங்க அதிபர் இமெல்டா சுகுமார் கண்டிப்புடன் தெரிவித்துள்ளார். 

புத்தளத்தில் வீட்டுத்திட்ட உதவிகளை பெற்றுக்கொள்ளாதவர்கள் யாழ்ப்பாணத்தில் மீள்குடியமர்ந்திருந்தால் அவர்களுக்கு யாழ்ப்பாணத்தில் வீட்டுத் உதவிகள் வழங்கப்படுமெனவும் அவர் கூறினார்.

யாழ்ப்பாணத்தில் மீள்குடியேறிய முஸ்லிம்கள் தங்களுக்கு எந்தவிதமான வீட்டுத்திட்ட உதவிகள் வழங்கப்படவில்லையென்பதுடன், அது பிரதேச செயலகத்தால் தடுத்து நிறுத்தப்படுவதாகவும்   முறையிட்டிருந்தனர்.  இந்த நிலையிலேயே யாழ். அரசாங்க அதிபர் கண்டிப்புடன் தெரிவித்துள்ளார்.