வன்னித் தொண்டர் ஆசிரியர்களுடன் அமைச்சர் டக்ளஸ் சந்திப்பு

(கவிசுகி)

வன்னித்தொண்டர் ஆசிரியர்களின் நியமனம் தொடர்பில்  பாரம்பரிய கைத்தொழில் மற்றும் சிறுகைத்தொழில் அபிவிருத்தி அமைச்சர் டக்ளஸ் தேவானந்தா இன்று செவ்வாய்க்கிழமை விசேட சந்திப்பு ஒன்றை நடத்தியுள்ளார்.

யாழ். வீரசிங்கம் மண்டபத்தில் நடைபெற்ற இச்சந்திப்பில் வன்னித் தொண்டர் ஆசிரியர்களின் நியமனத்தில் அரசாங்கத்தின் பக்கம் வெற்றி கிடைத்தால் மட்டுமே நாங்களும் மக்களுக்குத் தேவையானவற்றைக் கேட்டுப் பெற்றுக்கொள்ள முடியும் எனவும் நடந்து முடிந்த உள்ளூராட்சித் தேர்தலில் சரியான முறையில் நீங்கள் பங்களித்திருந்தால் உங்களது வேலைவாய்ப்பு எப்போதோ கிடைத்திருக்கும் எனவும் அமைச்சர்  தெரிவித்துள்ளார்.

இந்த தொண்டர் ஆசிரியர்களுடனான சந்திப்பில் சுமார் 300க்கும் மேற்பட்ட ஆசிரியர்களும் தொண்டர் ஆசிரியர்கள் கலந்து கொண்டனர்.