திருவிழாவில் சங்கிலி அறுத்த ஐந்து பெண்கள் கைது

-செல்வநாயகம் கபிலன்

இணுவில் பரராஜசேகரப் பிள்ளையார் ஆலய தேர்த்திருவிழா வியாழக்கிழமை (21) நடைபெற்ற போது, பெண்ணொருவரின் சங்கிலியை அறுக்க முற்பட்ட பெண் உட்பட அவருடன் இணைந்து வந்திருந்த மேலும் 4 பெண்களும் கைது செய்யப்பட்டதாக சுன்னாகம் பொலிஸார் தெரிவித்தனர்.

கைது செய்யப்பட்ட ஐந்து பெண்களும் கிளிநொச்சி உடையார்கட்டைச் சேர்ந்தவர்கள்.
சனநெரிசலில் பெண்ணொருவரின் சங்கிலியை அறுக்க முற்பட்ட பிறிதொரு பெண்ணை அங்குள்ள பொதுமக்கள் மடக்கிப் பிடித்தனர்.

இதனைக் கண்டதும் அவருக்கு அருகில் நின்றிருந்த மேலம் 4 பெண்கள் தப்பித்து ஓட முயன்றுள்ளனர். அவர்களையும் மடக்கிப் பிடித்த பொதுமக்கள் அனைவரையும் சுன்னாகம் பொலிஸ் நிலையத்தில் ஒப்படைத்தனர்.