கசிப்பு காய்ச்சிய இருவர் கைது

-சுப்பிரமணியம் பாஸ்கரன்

கிளிநொச்சி, கல்லாறு பகுதியில் கசிப்பு காய்ச்சிய இருவரை ஞாயிற்றுக்கிழமை (12) இரவு கைதுசெய்துள்ளதாக கிளிநொச்சி பொலிஸார் தெரிவித்தனர்.

கசிப்பு காய்ச்சிக் கொண்டிருந்த மேலும் இருவர் தப்பித்து ஓடியுள்ளதாகவும் அவர்களை கைது செய்யும் நடவடிக்கையை மேற்கொண்டுள்ளதாகவும் பொலிஸார் கூறினர்.

கசிப்பு காய்ச்சும் உபகரணங்கள், இரண்டு பரல் கசிப்பு மற்றும் ஒரு தொகுதி கசிப்பு என்பன அங்கிருந்து மீட்கப்பட்டன.

பொலிஸாருக்கு கிடைத்த இரகசிய தகவலின் அடிப்படையில் அவ்விடத்தைச் சுற்றிவளைத்து இருவரையும் கைது செய்ததாக பொலிஸார் கூறினர்.