18 முதிரை மரக்குற்றிகளுடன் படி ரக வாகனம் கைப்பற்றப்பட்டுள்ளது

-செல்வநாயகம் கபிலன்

பதினெட்டு முதிரை மரக்குற்றிகளுடன் படி ரக வாகனத்தினை வியாழக்கிழமை (13) இரவு இயக்கச்சி பகுதியில் கைப்பற்றியுள்ளதாக பளை பொலிஸ் நிலைய பொறுப்பதிகாரி தெரிவித்தார்.

முல்லைத்தீவில் இருந்து யாழ்ப்பாணத்துக்கு கடத்தி வரப்பட்டது, இயக்கச்சி பகுதியில் வீதி சோதனையில் ஈடுபட்ட பொலிஸார், குறித்த வடிரக வாகனத்தினை மறித்துள்ளனர்.

சாரதி 100 மீற்றர் தூரத்தில் வாகனத்தை நிறுத்தி விட்டு தப்பிச் சென்றுள்ளார்.

முதிரை மரக்குற்றிகளுடன் கைவிடப்பட்ட வாகனத்தினை பொலிஸ் நிலையத்தில் தடுத்து வைத்துள்ள பொலிஸார், சாரதியினை கைது செய்ய நடவடிக்கை எடுத்துள்ளனர்.