கனரக வாகனம் தடம் புரண்டது

ஜூட் சமந்த

புத்தளம்-மாதம்​பே பகுதியில் வைத்தியசாலைக்கு அருகில் கனரக வாகனம் ஒன்று வீதியில் தடம் புரண்டு விபத்துக்குள்ளாகியுள்ளது.

இந்த விபத்துச் சம்பவம், நேற்று (24) இரவு இடம்பெற்றுள்ளதாக மாதம்பே பொலிஸார் தெரிவித்தனர்.

மேற்படி கனரக வாகனம் மின்கம்பத்தில் மோதுண்டதையடுத்து, மின் கட்டமைப்புக்கும் பாதிப்பு ஏற்பட்டுள்ள பொலிஸார் தெரிவித்தனர்.

அத்துடன், மாதம்பே பழைய நகர் ஊடான போக்குவரத்துக்குப் பாதிப்பு ஏற்பட்டுள்ளதுடன், மேற்படி வீதியை பயன்படுத்துவோர் மாற்று வீதியை பயன்படுத்துமாறு பொலிஸார் அறிவித்துள்ளனர்.

சம்பவம் தொடர்பில், மாதம்பே பொலிஸ் நிலைய போக்குவரத்துப் பிரிவு பொலிஸார் மேலதிக விசாரணைகளை மேற்கொண்டு வருகின்றனர்.