அநுராதபுரத்தில் விலைக் கட்டுப்பாட்டினை மீறிச் செயற்படும் வர்த்தக நிலையங்கள் சுற்றிவளைப்பு

அநுராதபுரம் நகரில் விலைக் கட்டுப்பாட்டினை மீறி விற்பனை செய்யப்படும் வர்த்தக நிலையங்களைச் சுற்றிவளைக்கும் நடவடிக்கை ஆரம்பிக்கப்பட்டுள்ளதாக நுகர்வோர் அதிகாரசபையின் அதிகாரிகள் தெரிவித்தனர்.

இந்த சுற்றிவளைப்பின்போது, அநுராதபுரம் போதனா வைத்தியசாலை பகுதியிலுள்ள கடையொன்றில் குளிர்பானப் போத்தலொன்று அதிக விலைக்கு விற்பனை செய்யப்பட்டமை கண்டு பிடிக்கப்பட்டதாகவும் இதனைத் தொடர்ந்து, குறித்த  சிற்றுண்டிச்சாலை உரிமையாளரை சட்டத்தின் முன் நிறுத்தவுள்ளதாகவும் அநுராதபுரம் விலைக் கட்டுப்பாட்டு அலுவல்கள் அதிகாரி எல்.ஜீ.விமலதாச தெரிவித்தார்.