சடலத்துடன் பொதுமக்கள் ஆர்ப்பாட்டம்

(ஹிரான் பிரியங்கர ஜயசிங்க)

சிலாபம் - ஆனமடுவ வீதியில் திகன்வௌ பிரதேசவாசிகள் சிலர் இன்று திங்கட்கிழமை மாலை சடலமொன்றை வைத்து ஆர்ப்பாட்டத்தில் ஈடுபட்டனர்.

குறித்த பகுதியில் இடம்பெற்ற வாகன விபத்து சம்பவமொன்றில் உயிரிழந்தவரின் சடலத்தை வைத்தே இவர்கள் ஆர்ப்பாட்டதை நடத்தினர்.

விபத்துக்கு காரணமானவர்களை உடனடியாக கைது செய்யுமாறு வலியுறுத்தி ஆர்ப்பாட்டத்தில் ஈடுபட்டவர்கள் சிலாபம் - ஆனமடுவ பிரதான வீதியில் டயர்களை எரித்தும் ஆர்பாட்டத்தில் ஈடுபட்டனர்.

இதேவேளை, குறித்த விபத்திற்கு காரணமானவரை பொலிஸார் கைது செய்து நீதிமன்றத்தில் ஆஜர்படுத்தியதையடுத்து சந்தேகநபரை விளக்கமறியலில் வைக்குமாறு நீதிமன்றம் உத்தரவிட்டுள்ளதாக ஆனமடுவ பொலிஸார் தெரிவித்தனர்.