புத்தளம் வாகன விபத்தில் குடும்பஸ்தர் பலி

(ஹிரான் பிரியங்கர ஜயசிங்க)

புத்தளம் - குருநாகல் வீதி, தலாபொவ வாவி பிரதேசத்தில் நேற்று இரவு இடம்பெற்ற வாகன விபத்துச் சம்பவமொன்றில் 34 வயதுடைய குடும்பஸ்தர் ஒருவர் உயிரிழந்துள்ளார்.

லேண்ட் மாஸ்டர் ரக வாகனமொன்றில் பயணித்துக்கொண்டிருந்த சிறில் வசந்த என்ற மேற்படி குடும்பஸ்தரின் பின்னால் வந்த டபள் கெப் ரக வாகனமொன்று மோதியதை அடுத்தே விபத்து சம்பவித்துள்ளது.

இரவு 7 மணியளவில் இடம்பெற்ற இந்த விபத்துச் சம்பவத்தை அடுத்து கெப் ரக வாகனத்தின் சாரதி பொலிஸாரால் கைது செய்யப்பட்டுள்ளார். சம்பவம் தொடர்பில், ஆணமடுவ பொலிஸார் விசாரணைகளை மேற்கொண்டு வருகின்றனர்.