ரஜரட்ட பல்கலைக்கழக வைத்திய பீட மாணவ சங்கத்திற்கு தடை

(ஆகில் அஹமட்)

ரஜரட்ட பல்கலைக்கழக வைத்திய பீட மாணவ சங்கத்தை கால வரையறையின்றி தடை செய்துள்ளதாக பல்கலைக்கழக உப வேந்தர் பேராசிரியர் கே.எச்.நந்தசேன இன்று சனிக்கிழமை அறிவித்துள்ளார்.

பல்கலைக்கழக செயற்பாடுகளுக்கு குந்தகம் ஏற்படுத்தும் வகையில் சாலியபுரவில் அமைந்துள்ள ரஜரட்ட பல்கலைக்கழக  வைத்திய பீட மாணவர்கள் நடந்து கொண்டார்கள் என்ற குற்றச்சாட்டின் பேரில் சங்கத்தின் செயற்பாடுகளை டிசம்பர் முதலாம் திகதி முதல் தடைசெய்துள்ளதாக உப வேந்தர் அறிவித்துள்ளார்.

கடந்த 28ஆம் திகதி வைத்திய பீடத்தில் இடம்பெற்ற நிகழ்வொன்றுக்கு சென்றிருந்த உபவேந்தர் உள்ளிட்ட அதிகாரிகளை மாணவர்கள் தடுத்து வைத் திருந்தமை தொடர்பாக மேற்கொள்ளப்பட்ட விசாரணைகளின் முடிவிலேயே இத்தீர்மானம் எடுக்கப்பட்டுள்ளதாக உப வேந்தர் மேலும் குறிப்பிட்டுள்ளார்.