சிறந்த விநியோகஸ்தர்களுக்கு விருது

வஸ்கடுவ, சிட்ரஸ் லெய்ஷர் ஹோட்டலில் நடைபெற்ற தனது வருடாந்த விநியோகஸ்த்தர் ஒன்றுகூடல் நிகழ்வின் போது, சிறப்பாக செயலாற்றியிருந்த விநியோகஸ்த்தர்களுக்கு ரிச்சர்ட் பீரிஸ் டயர் கம்பனி விருதுகளை வழங்கியிருந்தது. இதன் போது ரிச்சர்ட் பீரிஸ் குரூப் ஒஃவ் கம்பனிஸ் குழும பணிப்பாளர் விவில் பெரேரா மற்றும் ரிச்சர்ட் பீரிஸ் டயர் கம்பனியின் பிரதம நிறைவேற்று அதிகாரி பிரதீப் சமரதுங்க ஆகியோரிடமிருந்து தமக்குரிய விருதுகளை பெற்றுக்கொண்டனர்.  

இந்தியாவின் பிர்லா டயர் கம்பனி மற்றும் உலகப்புகழ் பெற்ற கொரியாவின் நெக்சன் டயர் கம்பனி ஆகியவற்றின் இரு சிரேஷ்ட முகாமையாளர்கள் இந்த வருடாந்த மாநாட்டில் பங்கேற்றிருந்தனர். 

இந்த ஆண்டு சிறப்பாக தமது திறமைகளை வெளிப்படுத்தியிருந்த 100 விநியோகஸ்த்தர்களை குறித்த நிகழ்வுக்கு நிறுவனம் அழைத்திருந்தது.  

இரு நாள் நிகழ்வில், முதலாவது நாளில் சிறந்த விநியோகஸ்த்தர்களுக்கு விருதுகள் வழங்கப்பட்டிருந்தன. இரண்டாம் நாள், வளவாளராக கலந்து கொண்ட பேராசிரியர் அத்தநாயக்க எம்.ஹேரத்தின் உள்ளார்த்தமான விரிவுரையின் மூலமாக, விநியோகஸ்த்தர்கள் மற்றும் அவர்களின் குடும்பத்தாரை கவர்ந்திருந்தார். 

வழமையாகப் பின்பற்றப்படுவதைப் போன்று, இந்த ஆண்டும், டயர் விற்பனையாளர்கள் உள்நாட்டு டிரெடிங் மற்றும் ரி-டிரெடிங் போன்றவற்றில் வெவ்வேறு பிரிவுகளில் விசேட விருதுகள் வழங்கி கௌரவிக்கப்பட்டிருந்தனர். 

இந்த ஆண்டில், Arpidag, Arpico Rebuild, Arpi-Radial, Arpi-DAG Hybrid மற்றும் Nekson மற்றும் பிர்லா போன்றவற்றில் சிறப்பாக செயலாற்றிய விநியோகஸ்த்தர்கள் விசேட விருதுகள் வழங்கி கௌரவிக்கப்பட்டிருந்தனர். 

ரம்புக்கன, சிசிர டயர் ஹவுஸ் உரிமையாளர் டபிள்யு.ஏ.டபிள்யு.டபிள்யு. சிசிர குமார அகில இலங்கை ரீதியில் டயர் ரீடிரெடிங் பிரிவில் சிறந்த விநியோகஸ்த்தராக தெரிவு செய்யப்பட்டிருந்தார். இரண்டாம் மற்றும் மூன்றாமிடங்கள் முறையே திக்வெல்ல சாந்தி டயர் மார்ட் (பிரைவட்) லிமிட்டெட் முகாமைத்துவ பணிப்பாளர் எச்.எம்.டி.ஜே.சாந்திரட்னவுக்கும், மூன்றாமிடம், கண்டி சுபிரி டயர் (பிரைவட்) லிமிட்டெட் தலைவர் கித்சிறி பண்டாரவுக்கு வழங்கப்பட்டது. 

அதுபோலவே, டயர் டிரேடிங் பிரிவில் சிறந்த விநியோகஸ்த்தருக்கான விருது (அகில இலங்கை மட்டத்தில்) அம்பலாங்கொட, ஜயந்த பிரதர்ஸ் உரிமையாளர் எஸ்.ஜே.வின்னிக்கு வழங்கப்பட்டது. இரண்டாம் மற்றும் மூன்றாமிடங்கள் முறையே எச்.கே.டி.டபிள்யு.எம்.ஏ. திவரட்ன, உரிமையாளர், வி.எஸ்.கே. டயர் டிரேடர்ஸ், கண்டி மற்றும் காமினி சந்திரரத்ன, உரிமையாளர், காமினி டயர் வேர்க்ஸ், பல்லேபெத்த ஆகியோர் பெற்றுக்கொண்டனர்.