மொரட்டுவ நகரில் களனி கேபிள்ஸ் களனி விசுர திட்டம்

களனி கேபிள்ஸ் பிஎல்சி முன்னெடுத்து வரும் களனி விசுர பயிற்சிப்பட்டறை மொரட்டுவ நகரிலும் முன்னெடுக்கப்பட்டிருந்தது. இலத்திரனியல் கட்டமைப்புகளில் வயர்களை பதிப்பது தொடர்பில் இலத்திரனியல் பொறியியலாளர்களுக்கும் ஆரம்ப நிலையில் இருக்கும் பயிலுநர்களுக்கும் பயிற்சிகளை வழங்கும் வகையில் இந்த திட்டம் நாடு முழுவதும் முன்னெடுக்கப்படுகிறது. பிந்திய பயிற்சிப்பட்டறை மொரட்டுவ ரமடியா ரன்மல் ஹோட்டலில் இடம்பெற்றது. இந்த பிரதேசத்தைச் சேர்ந்த இலத்திரனியல் நுட்பவியலாளர்கள் இந்த பயிற்சிப்பட்டறையில் பங்கேற்றிருந்தனர். இவர்களுக்கு வயர்களை பதிப்பது தொடர்பில் காணப்படும் நவீன முறைகள் தொடர்பில் பயிற்சிகள் வழங்கப்பட்டிருந்தன. 

களனி விசுர என்பது களனி கேபிள்ஸ் பிஎல்சி நிறுவனத்தின் மூலமாக சுமார் ஒரு தசாப்த காலப்பகுதிக்கு முன்னர் தனது சமூக பொறுப்புணர்வு செயற்திட்டமாக அறிமுகம் செய்யப்பட்டிருந்தது. உள்நாட்டு இலத்திரனியல் தொழில்நுட்பவியலாளர்களுக்கு நவீன நுட்ப முறைகளை பயன்படுத்தி வயர்களை நிறுவுவது தொடர்பில் இந்த பயிற்சிப்பட்டறையின் போது விளக்கங்கள் வழங்கப்படுகின்றன. 

மொரட்டுவ களனி விசுர திட்டத்தை களனி கேபிள்ஸ் பிஎல்சி நிறுவனத்தின் விற்பனை பொறியியலாளர் சஞ்சீவ குணதிலக முன்னெடுத்திருந்தார். இந்த திட்டத்தில் 250 க்கும் மேற்பட்ட இலத்திரனியல் பொறியியலாளர்கள் பங்கேற்றிருந்தனர். இதன் போது பங்குபற்றுநர்களுக்கு தரம் வாய்ந்த வயர்களை எவ்வாறு தெரிவு செய்வது, ப்ளக் பொயின்ட்களையும் சுவிட்ச்களையும் நிறுவும் போது அவற்றுக்கிடையிலான தூரத்தை கவனத்தில் கொள்வது, விளக்குகளுக்கு பொருத்தமான வயர்களை தெரிவு செய்வது போன்ற பல முக்கியமான விடயங்கள் இதன் போது ஆராயப்பட்டிருந்தன. 

ஒரு நாள் முழுவதும் இடம்பெற்ற இந்த பயிற்சிப்பட்டறையின் போது உணவு மற்றும் இடைவேளைகள் போன்றன வழங்கப்பட்டிருந்தன. மேலும், பங்குபற்றுநர்களுக்கு சான்றிதழ்களும் அன்பளிப்புகளும் வழங்கப்பட்டிருந்தன. 

களனி விசுர திட்டத்தின் விசேடத்துவம் என்னவெனில் ஒவ்வொரு பங்குபற்றுநர்களையும் வீடுகளுக்கு அல்லது கட்டிடங்களுக்கு பொருத்தமான மின் வயர் பதிவு திட்டமொன்றை வரைவதை குறிக்கும் வகையில் அமைந்திருந்தன. இதன் மூலம் குறித்தவொரு இலத்திரனியலாளரும் போட்டிகரத்தன்மை வாய்ந்த துறையில் சமமான நிலைக்கு உயர்ந்தவர்களாக காணப்படுகின்றனர்.

களனி விசுர திட்டம் இலங்கையின் இலத்திரனியல் தொழில்நுட்பவியலாளர்கள் மற்றும் ஆரம்பநிலையில் உள்ளவர்களுக்காக முன்னெடுக்கப்படும் முன்னணி பயிற்சிப்பட்டறையாக அமைந்துள்ளதுடன், இதுவரையில் நாடு முழுவதையும் சேர்ந்த 16000 நுட்வியலாளர்களுக்கு பயிற்சிகளை வழங்கியுள்ளது. 

யுத்தத்தால் பாதிக்கப்பட்ட கிளிநொச்சி, யாழ்ப்பாணம், வவுனியா, திருகோணமலை, மட்டக்களப்பு, கல்முனை, அம்பாறை மற்றும் மொனராகலை ஆகிய மாவட்டங்களைச் சேர்ந்த இலத்திரனியலாளர்களுக்கு பயிற்சிப்பட்டறைகளை முன்னெடுத்திருந்ததன் மூலம் தேசத்தின் வளர்ச்சிக்கு பெரும் பங்களிப்பை வழங்கியுள்ளது. 

களனி கேபிள்ஸ் பிஎல்சியின் வர்த்தக நாம அபிவிருத்தி முகாமையாளர் சன்ன ஜயசிங்க கருத்து தெரிவிக்கையில், புதிய தலைமுறையைச் சேர்ந்த இலத்திரனியலாளர்களை கட்டியெழுப்புவதற்காக கம்பனி மேறகொள்ளும் முதலீடாக இந்த சமூகப் பொறுப்புணர்வு திட்டம் அமைந்துள்ளது என்றார்.

ஜயசிங்க தொடர்ந்து கருத்து தெரிவிக்கையில், 'கம்பனி உயர் தரம் வாய்ந்த வயர் வகைகளை உற்பத்தி செய்து சந்தையில் அறிமுகம் செய்துள்ளது. களனி வயர்கள் சந்தையில் முக்கிய இடத்தை பிடித்துள்ளன. இதன் காரணமாக பல ஆண்டுகளாக நாம் நாட்டின் முதலிடத்தை தக்க வைத்துள்ளோம். நாடு முழுவதையும் சேர்ந்த பல்வேறு திட்டங்களுக்கு மொரட்டுவ பகுதியைச் சேர்ந்த இலத்திரனியல் நிபுணர்கள் பங்களிப்பை வழங்கி வருகின்றனர். எனவே அவர்கள் எதிர்நோக்கும் சவால்களை நிவர்த்தி செய்து, உலகத்தரம் வாய்ந்த அறிவை அவர்களுக்கு பெற்றுக் கொடுக்கும் வகையில் எமது களனி விசுர அமைந்துள்ளது. களனி விசுர என்பது இந்த தலைப்பில் அவர்களுக்கு பரிபூரண பயிற்சிகளை வழங்கும் திட்டமாக அமைந்துள்ளது. இதை எமது கம்பனி முன்னெடுப்பதையிட்டு மிகவும் பெருமையடைகிறோம்' என்றார்.

களனி கேபிள்ஸ் என்பது 100 வீதம் இலங்கையை சேர்ந்த கம்பனியாகும். சுமார் நான்கு தசாப்த காலமாக இலத்திரனியல் மற்றும் தொடர்பாடல் கேபிள்களை உற்பத்தி செய்வதில் இந்நிறுவனம் ஈடுபட்டுள்ளது. 

நிபுணத்துவம் வாய்ந்த சேவைகளை இலத்திரனியல் மற்றும் தொடர்பாடல்கள் கேபிள்கள் உற்பத்தில் காண்பித்திருந்தமைக்காக 2008 ஆம் ஆண்டில் களனி கேபிள்ஸ் பிஎல்சி சுப்பர் பிரான்ட் அந்தஸ்தை பெற்றிருந்தது.

SLIM வர்த்தக நாம சிறப்பு விருதுகள் 2012 இல், களனி கேபிள்ஸ் பிஎல்சி நிறுவனத்துக்கு சிறந்த வர்த்தக நாமத்துக்கான வெண்கல விருது வழங்கப்பட்டிருந்தது. 2013 ஆம் ஆண்டிலும் தங்க விருதை இதே பிரிவில் வெற்றியீட்டியிருந்தது.

களனி கேபிள்ஸ் நிறுவனத்துக்கு தரச்சிறப்புக்கான ISO 9000:2008 சான்று, சிறந்த சூழல் முகாமைத்துவத்துக்கான ISO 14001:2004 தரச்சான்றும் வழங்கப்பட்டுள்ளன. தய்கி அகிமொடோ 5S விருதுகளின் தங்க விருதும் களனி கேபிள்ஸ் நிறுவனத்துக்கு வழங்கப்பட்டுள்ளது. 

SLITAD மக்கள் அபிவிருத்தி விருதுகள் தமது ஊழியர்களுக்கான பயிற்சிகள் மற்றும் அபிவிருத்தி தொடர்பில் கவனம் செலுத்தும் இலங்கையின் கம்பனிகளுக்கு வழங்கப்படுகின்றன. 2013 ஆம் ஆண்டில் SLITAD மக்கள் அபிவிருத்தி விருதுகள் வழங்கலின் போது களனி கேபளிஸ் பிஎல்சி தங்க விருதை தனதாக்கியிருந்தது.