பிரகீத் எக்னெலிகொட வழக்கு : விசாரணை மீண்டும் ஆரம்பம்

ஊடகவியலாளர் பிரகீத் எக்னெலிகொட கடத்தப்பட்டு, காணாமல் ஆக்கப்பட்டமை தொடர்பான குற்றச்சாட்டுகள் குறித்த சாட்சிய விசாரணைகளை, எதிர்வரும் மே மாதம் 8-ஆம் திகதி மீண்டும் முன்னெடுப்பதற்கு கொழும்பு நிரந்தர மேல் நீதிமன்றத்தின் ‘திரயல்-அட்-பார்’ (Trial-at-Bar) தீர்மானித்துள்ளது.

கிரித்தலே இராணுவ முகாமின் முன்னாள் தளபதி ஷம்மி குமாரத்ன மற்றும் ஒன்பது இராணுவப் புலனாய்வு அதிகாரிகளுக்கு எதிராக இந்த வழக்குத் தாக்கல் செய்யப்பட்டுள்ளது. நீண்டகாலமாக நிலுவையிலுள்ள இந்த விவகாரத்தில், குற்றம் சுமத்தப்பட்டவர்களுக்கு எதிரான சாட்சியங்களை ஆராயும் நடவடிக்கைகள் மீளத் தொடங்கப்படவுள்ளன.