SLT-MOBITEL அத்தியாவசிய மருத்துவ சாதனங்களை கையளிப்பு

SLT-MOBITEL, குளியாப்பிட்டிய போதனா வைத்தியசாலைக்கு Multi Para Monitor ஒன்றை அன்பளிப்பு செய்திருந்தது. கொவிட்-19 தொற்றுப் பரவல் காரணமாக எழுந்துள்ள சவால்களுக்கு முகங்கொடுப்பதற்கு பங்களிப்பு வழங்கும் வகையில் இந்த நன்கொடையை மேற்கொண்டிருந்தது.

குருநாகல் மாவட்டத்திலுள்ள இரண்டாவது பாரிய வைத்தியசாலையாக இது திகழ்வதுடன், கொவிட்-19 தொற்றுப் பரவல் காரணமாக நோய்வாய்ப்பட்டவர்களுக்கு சிகிச்சையளிக்க இந்த சாதனம் பயன்படுத்தப்படும்.

SLT-MOBITEL இன் பிராந்திய தலைமை அதிகாரி ரன்மல் பொன்சேகா மற்றும் SLT-MOBITEL இன் பிராந்திய டெலிகொம் முகாமையாளர் சானக உதயங்க ஆகியோர் இந்த சாதனத்தை, குளியாப்பிட்டிய போதனா வைத்தியசாலையின் பணிப்பாளர் வைத்தியர். பிரபாத் வீரவத்தவிடம் கையளித்திருந்தார்.

இந்நிகழ்வில் SLT-MOBITEL இன் மாவட்ட முகாமையாளர் நிரோஷ கருணாரட்ன, திட்டமிடல் மருத்துவ அதிகாரி வைத்தியர். மதுஷ சத்குமார மற்றும் வைத்தியசாலையின் மேற்பார்வைமாது எம்.எம்.ஏ.மாரசிங்க ஆகியோரும் கலந்து கொண்டனர்.