அக்கராயன் - யாழ். பஸ் சேவையை மீள ஆரம்பிக்க கோரிக்கை

-நடராசா கிருஸ்ணகுமார்

கடந்த 2010ஆம் ஆண்டு காலத்தில் நடத்தப்பட்டு நிறுத்தப்பட்ட அக்கராயனிலிருந்து யாழ்ப்பாணத்துக்கான பஸ் சேவையை மீண்டும் ஆரம்பிக்குமாறு அக்கராயனிலுள்ள கிராம அபிவிருத்திச் சங்கங்கள் கிளிநொச்சி மாவட்டச் செயலாளரிடம் கோரிக்கை விடுத்துள்ளன.

கிளிநொச்சி, அக்கராயனிலிருந்து பூநகரி வழியாக யாழ்ப்பாணம் வரை இந்த பஸ் சேவையானது காலை வேளையில் நடத்தப்பட்டது. எனினும், வீதிகள் சேதமடைந்து பயணிக்க முடியாத நிலைக்கு வந்தமையினால் இச்சேவை இடைநிறுத்தப்பட்டது.

தற்போது, பூநகரி, முட்கொம்பன் தொடக்கம் யாழ்ப்பாணம் வரையான வீதி புனரமைக்கப்பட்டுள்ளது. முட்கொம்பனிலிருந்து அக்கராயன் வரையான 5 கிலோமீற்றர் வீதி மாத்திரமே புனரமைக்கப்படவில்லை. எனவே, இடைநிறுத்தப்பட்ட பஸ் சேவையை மீண்டும் ஆரம்பிக்க வேண்டும் என அக்கோரிக்கையில் குறிப்பிடப்பட்டுள்ளது.