அதிகரித்து வரும் மீற்றர் வட்டி

செ.கீதாஞ்சன்

முல்லைத்தீவு மாவட்டம் முள்ளியவளைப்பிரதேசத்தில் மீற்றர் வட்டிக்கு பணம் வழங்குவோரின் எண்ணிக்கை அதிகரித்துள்ளதாக பெண்கள் அமைப்புக்கள் கவலை தெரிவித்துள்ளார்கள்.

குறிப்பாக முள்ளியவளை, தண்ணீரூற்று, கணுக்கேணி போன்ற கிராமங்களில் மீற்றர் வட்டிக்கு பணம் வழங்குவோரின் எண்ணிக்கை அதிகரித்துள்ளது. இவ்வாறு மீற்றர் வட்டிக்கு பணத்தைப் பெற்றுக்கொண்ட 2 நபர்கள் இந்த மாதம் தமது உயிரை மாய்த்துக் கொள்ள முயன்றுள்ளார்கள்.

மீற்றர் வட்டிக்கு பணம் கொடுப்பவர்களின் எண்ணிக்கை தற்போது அதிகரித்துள்ளது என்றும் இதனை கட்டுப்படுத்த பொலிஸார் மற்றும் வருமான வரித்திணைக்களத்தினர் நடவடிக்கை எடுக்கவேண்டும் என்று முல்லைத்தீவு மாவட்டத்தின் பெண்கள் அமைப்பு கோரியுள்ளது.