அம்பாள்புரம் கிராம மக்கள் அவதி

-சுப்பிரமணியம் பாஸ்கரன்

முல்லைத்தீவு, மாந்தை கிழக்கு, அம்பாள்புரம் கிராமத்தில் போக்குவரத்து வசதிகள் இன்மை வீதிகள் புனரமைப்பின்மை குடிநீர் வசதியின்மை போன்ற பல்வேறு பிரச்சினைகளுக்கு முகம் கொடுத்து வருவதாக, அப்பகுதி மக்கள தெரிவித்துள்ளனர்.

அம்பாள்புரம் கிராமத்தில் தற்போது 325க்கும் மேற்பட்ட குடும்பங்கள் வாழ்ந்து வரும் நிலையில், மேற்படி கிராமத்துக்கான பிரதான வீதி புனரமைக்கப்படாமை, போக்குவரத்து வசதியின்மை மற்றும் குடிநீர் வசதியின்மை என பல்வேறு சிரமங்களுக்கு முகம்கொடுத்து  வருவதாக தெரிவித்துள்ளனர்.

இதேவேளை, யுத்தம் காரணமாக இக்கிராமத்தில் இருந்து இடம்பெயர்ந்து இந்தியாவின் தமிழகத்தில் தங்கியிருந்து தாயகம் திரும்பிய நிலையில், குறித்த கிpராமத்தில் மீள்குடியேறியுள்ள குடும்பங்கள் தாங்கள் பல்வேறு சிரமங்களையும் எதிர்கொள்வதாக தெரிவித்துள்ளனர்.