இடைக்கட்டு குளத்தில் மூழ்கி சிறுவன் பலி

-செ.கீதாஞ்சன்

கிளிநொச்சி – வள்ளிபுனம் பகுதியில், இன்று (06) காலை, இடைக்கட்டு குளத்தில் மூழ்கி, உருத்திரபுரத்தைச் சேர்ந்த பாலசுப்பிரமணியம் பாணுசன் என்ற 11 வயது சிறுவன் உயிரிழந்துள்ளார்.

பாடசாலை விடுமுறை காரணமாக, வள்ளிபுனத்தில் உள்ள உறவினர்களின் வீட்டுக்கு குடும்பத்துடன் சென்ற இந்தச் சிறுவன், இன்றுக் காலை, அப்பகுதியில் உள்ள ஏனைய சிறுவர்களுடன், இடைக்கட்டு பகுதிக்குச் சென்று நாவல் பழம் பறித்து சாப்பிட்டுவிட்டு, இடைக்கட்டு குளத்தில் குளிக்கச் சென்றுள்ளார்.

சிறுவன் குளித்துக்கொண்டிருந்த போதே, நீரில் மூழ்கி தத்தளித்துள்ளார்.

இதையடுத்து, அங்கிருந்த பொதுமக்களால் காப்பாற்றப்பட்ட சிறுவன், மூங்கிலாறு ஆதார வைத்தியசாலைக்கு கொண்டுசெல்லப்பட்ட போது, அங்கு சிகிச்சை பலனின்றி உயிரிழந்துள்ளார்.