ஈரோஸின் தேர்தல் பிரசாரம் ஆரம்பம்

-க. அகரன்

ஈழவர் ஜனநாயக முன்னணி (ஈரோஸ்) அமைப்பினர், ஸ்ரீ லங்கா பொதுஜன பெரமுனவின் ஜனாதிபதி வேட்பாளர் கோட்டாபய ராஜபக்‌ஷவை ஆதரித்து, இன்று ​(09) தமது தேர்தல் பிரச்சாரத்தை ஆரம்பித்துள்ளனர்.

இதற்கமைய, வடக்கு, கிழக்கு, மலையகம் ஆகிய பிரதேசங்களில், ஈரோஸ் அமைப்பின் உறுப்பினர் மூலம் இந்தத் தேர்தல் பிரசார நடவடிக்கை முன்னெடுக்கப்பட்டுள்ளது.

இதன் முதற்கட்டமாக, நேற்று முற்பகல் 8 மணியளவில், வவுனியா ஈரோஸ் அமைப்பின் தலைமை காரியாலயத்தில் இருந்து வவுனியா நகர் பகுதி வரை தேர்தல் பிரசார நடவடிக்கை முன்னெடுக்கப்பட்டது.

இதன்போது, “தொலைத்த இடத்தில் தேடுவோம்” எனும் தொனிப்பொருளில் துண்டு பிரசுரங்களும் விநியோகிக்கப்பட்டன.