ஊடகவியலாளர்களுக்கு அனுமதி மறுப்பு

-மு.தமிழ்ச்செல்வன், எஸ்.என்.நிபோஜன்    

கிளிநொச்சி - கரைச்சி பிரதேச சபையின் நாளைய (21) விசேட அமர்வுக்கு,  ஊடகவியலாளர்கள் அனுமதிக்கப்படமாட்டார்களென, தவிசாளர் அருணாசலம் வேழமாலிகிதன் தெரிவித்துள்ளார்.

கரைச்சி பிரதேச சபையின் விசேட அமர்வு, நாளை (21) பிற்பகல் 2 மணி முதல்  5 மணி வரை  நடைபெறவுள்ளது. 

கிளிநொச்சி சேவைச் சந்தையின் புதியக் கட்டடம் தொடர்பாகவும் கரைச்சி பிரதேச சபையின்  2019ஆம் ஆண்டுக்கான வரவு-செலவுத் திட்டத்தில்  உறுப்பினர்களுக்கான நிதி ஓதுக்கீடு பற்றியும் ஆராய்வதற்காக, கரைச்சி பிரதேச சபை உறுப்பினர்கள் 13 பேர் விடுத்த கோரிக்கைக்கு அமையவே, நாளை விசேட அமர்வு நடைபெறவுள்ளது.

இந்த விசேட அமர்வில் கலந்துகொள்வதற்காகவே, ஊடகவியலாளர்களுக்கு அனுமதி மறுக்கப்பட்டுள்ளது.