கள்ளு தவறணையில் காவலாளியின் சடலம் மீட்பு

-எம்.றொசாந்த்

யாழ்ப்பாணம் - சாவகச்சேரி பனை, தென்னை வள அபிவிருத்தி கூட்டுறவு சங்கத்தின் கீழுள்ள கள்ளு தவறணையில் இருந்து, இன்று (31) குடும்பஸ்தர் ஒருவரின் சடலம் மீட்கப்பட்டுள்ளது.

சாவகச்சேரியை சேர்ந்த சின்னராசா ஜெகன் (வயது - 39) என்பவரே, இவ்வாறு சடலமாக மீட்கப்பட்டுள்ளார்.

இவ்வாறு சடலமாக மீட்கப்பட்ட நபர், கள்ளு தவறணையில் காவலாளியாக கடமையாற்றி வருபவரென, சாவகச்சேரி பொலிஸார் கூறினர்.

குறித்த நபர், வழமை போன்று, (30) இரவு, காவல் கடமைக்காக சென்ற நிலையிலேயே, சடலமாக மீடகப்பட்டுள்ளார்.