கள் விற்பனை நிலையத்தை அகற்றவும்

-நடராசா கிருஸ்ணகுமார்

கிளிநொச்சி, வன்னேரிக்குளம் - ஆனைவிழுந்தான்குளம் ஆகிய கிராமங்களுக்கு இடையில் அமைந்துள்ள கள் விற்பனை நிலையத்தை அங்கிருந்து அகற்றுமாறு அப்பகுதி மக்கள், கரைச்சி பிரதேச செயலாளரிடம் முறைப்பாடு செய்துள்ளனர்.

மக்கள் அதிகமாக வசிக்கும் இந்தப் பகுதியில் இந்தக் கள் விற்பனை நிலையம் அமைந்திருப்பதன் காரணமாக நாள்தோறும் பிணக்குகள் ஏற்பட்டு வருவதன் காரணமாக குறித்த கள் விற்பனை நிலையத்தினை அகற்றுமாறு மக்கள் தங்கள் முறைப்பாட்டில் கூறியுள்ளனர்.

வன்னேரிக்குளத்தில் முன்பு தனியான இடத்தில் குறித்த கள் விற்பனை நிலையம் அமைக்கப்பட்டிருந்த நிலையில், தற்போது அதனைச் சுற்றி மக்கள் குடியிருப்புகள் ஏற்படுத்தப்பட்டுள்ளமை குறிப்பிடத்தக்கது.