கிணற்றிலிருந்து வெடிபொருள்கள் மீட்பு

-க. அகரன்

வவுனியா - ஓமந்தை, கோவில்குஞ்சுக்குளம் பகுதியில், வீட்டு கிணற்றில் இருந்து 14 மோட்டார் செல்களை, ஓமந்தை பொலிஸார் மீட்டுள்ளனர்.

அந்தப் பகுதியில் அமைந்துள்ள கிணறு ஒன்றை  வீட்டின் உரிமையாளர் துப்புரவு செய்துள்ளார். இதன்போது கிணற்றில் சந்தேகத்துக்கிடமான பொருள்கள் இருப்பதை அவதானித்த நிலையில், ஓமந்தை பொலிஸாருக்கு தகவல் தெரிவித்திருந்தார்.

அதனைத் தொடர்ந்து சம்பவ இடத்துக்குச் சென்ற பொலிஸாரும் விசேட அதிரடிப்படையினரும் 14 மோட்டார் செல்களை மீட்டதுடன், அதனை இன்றயதினம் செயலிழக்கச் செய்தனர்.