கூட்டுறவுச் சங்கம் ஊடாக உணவகம் இயக்க முயற்சி

-நடராசா கிருஸ்ணகுமார்

கிளிநொச்சி - அக்கராயன் பிரதேச வைத்தியசாலையில் உணவகம் இயங்காததன் காரணமாக அக்கராயன் பலநோக்குக் கூட்டுறவுச் சங்கம் ஊடாக உணவகம் ஒன்றினை இயக்குவதற்கான முயற்சிகள் நடைபெற்று வருகின்றன.

வைத்தியசாலைக்கு முன்னால் உள்ள அக்கராயன் பலநோக்குக் கூட்டுறவுச் சங்கக் கட்டடம் ஒன்றில் குறித்த உணவகம் இயங்குவதற்கான புனரமைப்பு வேலைகள் நடைபெற்று வருகின்றன.

அக்கராயன் பிரதேச வைத்தியசாலையில் உணவகம் இயங்காததன் காரணமாக 800 மீற்றருக்கு அதிகமான தூரம் சென்றே நோயாளர்கள் உணவுகளை கடைகளில் பெற்றுக் கொள்ள வேண்டிய நிலைமை தற்போது காணப்படுகின்றது.