கால்நடைகளின் உறைவிடமாகவுள்ள பொதுசந்தை

-சுப்பிரமணியம் பாஸ்கரன்

முல்லைத்தீவு, துணுக்காய், ஐயன்கன்குளம் பகுதியில் சுமார் 23 இலட்சம் ரூபாய் செலவில் புதிதாக நிர்மாணிக்கப்பட்டு, திறந்து வைக்கப்பட்ட பொதுச்சந்தை, எந்தவித பயன்பாடுகளுமின்றி நான்கு வருடங்களாக கால்நடைகளின் உறைவிடமாகக் காணப்படுகின்றது.

கடந்த 2013ஆம் ஆண்டு திறந்து வைக்கப்பட்ட பொதுச்சந்தை கட்டடத்தொகுதி இன்றுவரை பயன்படுத்தப்படாத நிலையில் கைவிடப்பட்ட நிலையில் காணப்படுகின்றது.

துணுக்காய் பிரதேச சபையின் கீழ் உள்ள பகுதிகளில் பல்வேறுபட்ட தேவைகள் காணப்படுகின்றபோதும், இவ்வாறு பெருந்தொகை நிதியில் அமைக்கப்பட்டுள்ள சந்தை, பயன்படுத்தப்படாமல் உள்ளதாக பொதுகமக்கள் விசனம வெளியிட்டுள்ளனர்.