கிளிநொச்சியில் உணவுக் களஞ்சியசாலை

-சுப்பிரமணியம் பாஸ்கரன்

கிளிநொச்சி விவசாயிகளின் நலன்கருதி, உணவுக் களஞ்சியசாலை ஒன்றை அமைப்பதற்கான நடவடிக்கைகள் மேற்கொள்ளப்பட்டு வருவதாக, மாவட்டச் செயலாளர் சுந்தரம் அருமைநாயகம் தெரிவித்தார்.

இது தொடர்பில் அவர் தொடர்ந்து கூறியதாவது,  

'கிளிநொச்சி ஒரு விவசாய மாவட்டமாக காணப்படுகின்ற போதும் அறுவடை செய்யும் நெல்லை கொள்வனவு  செய்து களஞ்சியப்படுத்தக்கூடிய வசதிகள் போதியளவு இல்லாமையால் கடந்த காலங்களில் விவசாயிகள் பல்வேறு நெருக்கடிகளை எதிர்கொண்டனர்.

இந்நிலையில் தற்போது யூ.என் கபிரெட் போன்ற அரச சார்பற்ற நிறுவனங்களினூடாக பிரதேச ரீதியாக களஞ்சியங்கள் அமைக்கப்;பட்டு வருகின்றன.

யாழ்ப்பாண நாவற்குழியில் உள்ள உணவுக்களஞ்சியம் போன்ற பாரிய உணவுக்களஞ்சியம் ஒன்;றை கிளிநொச்சியில் அமைப்பதற்குரிய ஏற்பாடுகள் மேற்கொள்ளப்பட்டு வருகின்றன. அதற்கான காணி அடையாளப்படுத்தப்பட்டு ஆரம்ப வேலைகள் நடைபெற்று வருகின்றன' என்றார்.