‘சுமேரியன் கல்லறையை அழிக்கின்றனர்’

வவுனியாவில் சுமார் 1,50,000 ஆண்டு பழைமை வாய்ந்த, அங்போபுர சுமேரியன் கல்லறை, புதையல் திருடர்களினால் அழிக்கப்பட்டுள்ளதாக, பிரதேச மக்கள் விசனம் தெரிவித்துள்ளனர்.

அங்போபுர சுமேரியன் கல்லறையை பாதுகாக்க தொல்பொருள் திணைக்களம் நடவடிக்கை எடுக்குமாறு கோரி, அந்தப் பகுதி மக்கள் நேற்றுமுன்தினம் (08) ஆர்ப்பாட்டத்தில் ஈடுபட்டனர். இதன்போது கருத்துத் தெரிவிக்கையிலேயே ஆர்ப்பாட்டக்காரர்கள் இவ்வாறு தெரிவித்தனர்.

“கல்லறை அமைந்துள்ள பகுதிக்கு கிராம மக்கள் செல்ல தடை விதிக்கப்பட்டுள்ளது.

“சுமேரியன் கல்லறை 25 ஏக்கர் நிலப்பரப்பாகும். அங்கு தேக்கு மரங்களை வெட்டும் மோசடி வர்த்தகம் தற்போது முன்னெடுக்கப்படுகிறது.

“மேலும், ஆரம்பகால மனிதர்களின் 89 கல்லறைகள் அங்கு பாதுகாக்கப்பட வேண்டிய நிலையில் உள்ளது” எனவும் தெரிவித்தனர்.