தங்கூசி வலைகளை அழிக்குமாறு உத்தரவு

-சுப்பிரமணியம் பாஸ்கரன்

கிளிநொச்சி, பூநகரி கடற்பகுதியில் தடைசெய்யப்பட்ட தங்கூசி வலைகளைப் பயன்படுத்தி மீன்பிடியில் ஈடுபட்ட மூவருக்கு தலா ஐயாயிரம் ரூபாய் தண்டப்பணம் விதித்து, கிளிநொச்சி நீதவான் நீதிமன்ற நீதவான் ஏ.ஏ.ஆனந்தராசா வெள்ளிக்கிழமை (29) உத்தரவிட்டார்.

அத்துடன், கைப்பற்றப்பட்ட வலைகளை அழிக்குமாறும் உத்தரவிட்டார்.

கிளிநொச்சி, பூநகரி கடற்பகுதியில் தடைசெய்யப்பட்ட தங்கூசி வலைகளைப் பயன்படுத்தி மீன்பிடியில் ஈடுபட்ட மூவரை கடற்றொழில் நீரியல் வளத்திணைக்கள அதிகாரிகள் கைதுசெய்து அவர்களுக்கு எதிராக கிளிநொச்சி நீதவான் நீதிமன்றத்தில் வழக்குப்பதிவு செய்தனர்.

வெள்ளிக்கிழமை (29) வழக்கு விசாரணைக்கு எடுத்துக் கொள்ளப்பட்டபோதே நீதவான் இவ்வாறு உத்தரவிட்டார்.