துப்பாக்கியுடன் ஒருவர் கைது

க.அகரன்

வவுனியா - நெடுங்கேணி, ஒலுமடு பகுதியில், கட்டுத்துப்பாக்கி வைத்திருந்த ஒருவர், நேற்று முன்தினம் (31) கைது செய்யப்பட்டுள்ளார்.

நேற்று முன்தினம் மாலை 3.30 மணியளவில், சட்டவிரோதமான முறையில், கட்டுத்துப்பாக்கியுடன் ஒருவர், காட்டுப் பகுதிக்கு வேட்டையாடச் சென்றிருப்பதாக, நெடுங்கேணி பொலிஸாருக்குக் கிடைத்த இரகசியத் தகவலின் அடிப்படையிலேயே, குறித்த நபர் கைது செய்யப்பட்டுள்ளார்.

இந்நிலையில், பதிவுகள் எதுவுமின்றி, சட்டவிரோதமாக கட்டுத்துப்பாக்கி ஒன்றை வைத்திருந்த குற்றச்சாட்டில், 50 வயதுடைய மேற்படி நபர் கைது செய்யப்பட்டதாக, பொலிஸார் கூறினர்