நாகதம்பிரான் ஆலய வருடாந்த பொங்கல்

-சுப்பிரமணியம் பாஸ்கரன்

கிளிநொச்சி, கரைச்சி, புளியம்பொக்கணை நாகதம்பிரான் ஆலயத்தின் வருடாந்த பங்குனி உத்திரப்பொங்கல் விழா, எதிர்வரும் 9 ஆம் திகதி நடைபெறவுள்ளது.

இந்நிகழ்வுக்காக, விளக்கு வைத்தலுடன் ஞாயிற்றுக்கிழமை (02) ஆரம்பமாகிய சடங்குகள், பாரம்பாரிய முறைப்படி தென்மராட்சி, மீசாலை, புத்தூர் சந்தி, பண்டமரவடியில் இருந்து படைப்பண்டம் எடுத்து வருவதற்காக, மாட்டுவண்டில்கள் ஆலயத்திலிருந்து புறப்பட்டுச் சென்றன.

படைப்பண்டம் எடுத்து வரப்பட்டு 9ஆம் திகதி இரவு பொங்கல் விழா நடைபெறும்.

ஆலய பொங்கல் விழாவுக்கான போக்குவரத்து ஒழுங்குகள், பாதுகாப்பு ஏற்பாடுகள் உள்ளிட்ட சகல ஏற்பாடுகளும் வழமைபோன்று, மேற்கொள்ளப்பட்டுள்ளதாக ஆலய நிர்வாகம் அறிவித்துள்ளது.