பஸ் மீது மரம் சரிந்து விழுந்தது

-க. அகரன்

வவுனியா - செட்டிகுளம் பஸ் நிலையத்தில் தரித்து நின்ற இ.போ.ச பஸ் மீது மரம் ஒன்று சரிந்து வீழ்ந்துள்ளது.

எனினும் எவருக்கும் பாதிப்பு ஏற்படவில்லை என்று இ.போ.ச ஊழியர்கள் தெரிவித்துள்ளனர்.

இன்று பிற்பகல் 2 மணியளவில், செட்டிகுளத்திலிருந்து வவுனியாவுக்கு பயணத்தை மேற்கொள்வதற்கு தயாராக இருந்த இ.போ.ச பஸ் ஒன்று பஸ் நிலையத்தில் தரித்து நின்றபோது, எதிர்பாராமல் ஏற்பட்ட காற்றால், அருகிலிருந்த பாரிய பாலை மரம் ஒன்று முறிந்து பஸ் மீது வீழ்ந்துள்ளது.