புதிய நிர்வாகத் தெரிவு

-நடராசா கிருஸ்ணகுமார்

கிளிநொச்சி - அக்கராயன் குளத்தின் நாகதம்பிரான் கமக்கார அமைப்பின் புதிய நிர்வாகம் நேற்று தெரிவு செய்யப்பட்டுள்ளது.

முற்பகல் 10 மணிக்கு ஸ்கந்தபுரம் பொது நோக்கு மண்டபத்தில், ஸ்கந்தபுரம் கிராம அலுவலர் தலைமையில் நடைபெற்ற இந்நிகழ்வில் நீர்ப்பாசனத் திணைக்களம், அக்கராயன் கமநல சேவை நிலையம் ஆகியவற்றின் அதிகாரிகள், அக்கராயன், கண்ணகைபுரம் ஆகிய கிராம அலுவலர்கள் கலந்து கொண்ட இக்கூட்டத்தில், புதிய நிர்வாகத் தெரிவு நடைபெற்றது.

இதன் போது, நாகதம்பிரான் கமக்கார அமைப்பின் புதிய தலைவராக சி.கனகசபாபதி தெரிவு செய்யப்பட்டார். செயலாளராக முத்தையா சிவகுமாரும் பொருளாளராக கிருஸ்ணபிள்ளை சிவநேசன் தெரிவு செய்யப்பட்டுள்ளார்கள்.

அத்துடன், உறுப்பினர்கள் எட்டு பேரும் தெரிவு செய்யப்பட்டுள்ளனர்.

கிளிநொச்சி மாவட்டத்தின் இரண்டாவது பெரிய குளமாகிய அக்கராயன் குளத்தின் கீழ் இயங்குகின்ற நான்கு கமக்கார அமைப்புகளில் நாகதம்பிரான் கமக்கார அமைப்பு முக்கிய அமைப்பாகும் என்பது குறிப்பிடத்தக்கது.