புதையல் தோண்ட முற்பட்ட 6 பேர் கைது

-எஸ்.றொசேரியன் லெம்பேட்

மன்னார் - பேசாலை பொலிஸ் பிரிவுக்குட்பட்ட பேசாலை - யூட்ஸ் வீதி அருகே உள்ள பற்றைக்காட்டுப் பகுதியில், புதையல் தோண்ட முற்பட்ட 6 நபர்கள், பேசாலை பொலிஸாரால், சனிக்கிழமை (13) இரவு கைது செய்யப்பட்டுள்ளனர்.

இவ்வாறு கைதுசெய்யப்பட்டவர்களிடம் இருந்து, புதையல் தோண்டுவதற்குப் பயன்படுத்தப்பட்ட நவீன கருவியொன்றை, பொலிஸார் கைப்பற்றியுள்ளனர்.

கைதுசெய்யப்பட்டவர்களில் 4 பேர், அநுராதபுரம் பகுதியைச் சேர்ந்தவர்களெனவும் ​ஏனையோர், பேசாலை - நடுக்குடா, வசந்தபுரம் ஆகிய பகுதிகளைச் சேர்ந்தவர்களெனவும், விசாரணைகளில் இருந்து தெரியவந்துள்ளது.

விசாரணைகளின் பின்னர், சந்தேகநபர்கள், நேற்று (14) மாலை, மன்னார் பதில் நீதவான் முன்னிலையில் ஆஜர்படுத்தப்பட்ட போது, அவர்களை, பதில் நீதவான் பிணையில் விடுவித்தார்.